ENGKILILI: Penyampau 35 iku pengereja pengawa di Opis Marin Nengeri nyau begenggam semengat lebuh bas ke mai sida tepawah ti ngujungka lalu labuh ngagai parit.
Aksidin nya nyadi urung pukul 2.00 pagi Hari Minggu semak Sedarat Salin di Engkilili ke alai dua iku ari sida nya bebadi balat enggau dua iku ke enda tentu balat.
Raban sida nya bisi masuk dalam pengawa bebaris beserimbai enggau Hari Pengada Tuai Pemegai Menua Tun Datuk Patinggi Abang Muhammad Salahuddin di Miri kena Hari Enam tu tadi.
Seduai ke balat bendar bebadi nya lalu ditabanka ngagai Hospital Besai Sarawak (SGH) seraya sida ke bukai nya diperubatka ba Hospital Sri Aman.