SIBU: Renggat keterubah pengawa ngumpul uras ari Opis Menua Pesisir Sibu (SRDC) beserimbai enggau nyambut Taun Baru Cina (TBC) tu deka berengkah diatur kena 21 Januari nyentuk ke 2 Februari deka datai.
Berindik ari pekara nya, mensia mayuh ti diau ba kandang ke dipegai SRDC dilalau nugungka uras ba mua rumah tauka kedai sebedau timpuh alai ngumpul.
Taja pan baka nya, uras ari palan industri, kilang enggau ke bukai enda ibuh ditugung baka nya laban enda digumpul maya tu.
Kena 21 Januari, menua ke dilawa alai ngumpul uras ba Sungai Assan, Kampong Banyok, Paradom enggau sepemanjai Jalai Tanjung Kunyit.
Lalu kena 22 Januari palan ke dilawa baka Jalai Kong Yit Khim, Taman Hwei Huong, Jalai Nibong-Tada enggau Jalai Durin.
Tu ditangkanka ngagai Jalai Nanga Pak, Telian, Jalai KJD, Durin Bazaar enggau Batu Wong.
Kena 25 Januari, pengawa tu dipejalai ba Jalai Trusan, Rantau Panjai, Sungai Pasai, Taman Bumi Indah, Taman Green Park enggau Taman Bougenvilla, Kwong Ming, Jalai Ting Sing, Jalai Hock Ming, sepemanjai Jalai Sg. Maaw, Jalai Chew Kung, Lebaan, Bukit Lan enggau Bawang Assan.
Lalu udah nya kena 29, 30 enggau 31 Januari, ditangkanka ba Taman Pradom, Jalai Oya, Stapang, Tamin enggau Jalai Tunku Abdul Rahman.
Ba Sibu Jaya pengawa ngumpul uras tu diatur kena 1 ngagai 2 Februari.