Dikarang Chris Bishop //
KUCHING: Industri bekebun sawit diakun nyadi sebengkah industri ti nyaup ngemujur ubah ba pekara ekonomi lalu deka nentuka menua tu ngembuan pena-tai pemisi ke tinggi ba taun 2020, ku Menteri Bekebun Dandang Besai enggau Komodoti Datuk Amar Douglas Uggah Embas.
“Industri bekebun sawit ba taun 2013 ngenataika asil ekspot ba penyampau RM63.2 bilion ngagai menua tu.
“Sepenyampau 5.3 juta hektar tanah udah dikereja ungkup kebun sawit di Malaysia lalu nya ngarika 16.6 peratus ari semua tanah ti udah diperesi ungkup pengawa bekebun,”ku iya ba pengerami bejadi ‘International Plantation Industri Conference and Exhibition (IPICEX) 2014’ ditu, kemari.
Teks jaku Uggah dibacha Sekretari Besai Opis Menteri Kebun Dandang Bsai enggai Komoditi Datuk Himmat Singh ti datai ngarika iya.
Dikena nentuka juluk nya dijapai, Uggah madah genap pemar ke ditapi industri bekebun patut diputar berengkah ari diatu.
Ku iya, tajapan industri bekebun sawit nyendiaka pengawa puang ngagai 630,000 iku orang, 78 peratus tauka 350,000 pengawa puang nya diisi orang ari menua luar.
“Ketegal tebal agi peranak menua tu enda rindu gawa ba industri bekebun sereta ditambah eng-gau pengeran perintah ti deka ngurangka pemayuh orang gawa ari menua luar, atur mekanisasyen enggau otomasyen patut dikerembai ba industri bekebun.
“Aku gaga meda MPOB udah dulu ngemansang kededua pekara mekanisasyen enggau otomasyen ke alai ejensi nya udah mujur ngaga 30 iti injin ungkup pengawa bekebun sawit.
“Semua injin tu nyaup ngangkatka produktiviti sereta nyaup ngurangka pemayuh tubuh orang gawa ba kebun,”ku iya.
Injin Chantas ke dikena ngembuah sawit ulih ngeluarka asil dua kali lipat ari ke udah iya nya entara 1.5 ngagai 2.8 tan sehari ti mungkur kebun pemesai 21 ngagai 35 hektar, tandu iya.
Entara sekeda injin ke bisi digaga diberi nama Grabber, Motorcycle-trailer, Rhyno enggau Beluga.
Uggah nambah semua asil ari pengawa bekebun menua tu udah diekspot ngagai 200 bengkah menua lalu ngenataika asil belanja kira RM141 biliun ba taun 2011.
IPICEX 2014 diatur InternationaI Institute of Plantation Management (IIPM) nengah kerejasama Universiti Teknologi Mara (UiTM) Sarawak pengelama dua hari berunggu.
Bela datai Chairman IPICEX 2014 Ahmad Fer-Rouse enggau orang bukai.