Dikarang Alvester Bigol//
Poster Gempuru Besai Kristian Jaku Iban Malaysia Ke-18.
KUCHING: Gempuru Besai Zon Sibu begulai enggau Sekretariat iya taun tu sekali agi diberi basa ngatur Gempuru Besai Kristian Jaku Iban Malaysia Ke-18 bepalan di RH Hotel Sibu belabuh 17 nyentuk 20 Dis 2015.
Chairman pengatur program Pastor Margaret Gading madah, tuju program tu diatur dikena ngiring ulah raban pemegai pengarap Kristian terus tegap ati bepelasarka ajar pengarap nya.
“Juluk kami ngatur program tu dikena meransang semua raban Kristian ngambika seruran taluk ke ajar pengarap.”ku iya madah nengah surat penerang nuju Berita Iban seraya madah program tu berambaika jaku ‘Angkat! Pulai Ngagai Tuhan’.
Entara pengelicha ke deka ngajar rambau program tu ila iya nya Pastor (Ps) Julius Suubi, Ps Dr Joseph Ozawa, Bishop Rev Dr Hwa Yung, Ps Ray Cunningham enggau Ps Magdeline Teruki.
Nyerumba pogram tu mega bisi diatur aktiviti bejalai bebala mayuh bepun ari Dataran Sibu nuju RH Hotel kena 17 Dis berengkah pukul 5 lemai. Mensia mayuh ke nyereta pengawa tu diperansang datai tumu kelimpah bengepan Dayak (Baju Burung ungkup sida ke lelaki).
Penerang silik bekaul enggau program ulih betelefon nuju Ps Margaret empu ba lumur (019-8885920), Sapit Chairman Dr James (019-438 8677), Sekretari Peter Nyua ( 019-482 0691), Dau Utau (013-847 6842) enggau Henry Jalin (012-873 0073).