SIBU: Tim badminton Sarawak alah 3-2 ngelaban tim Kedah ba pekit renggat keterubah ke diatur ba Stadium Badminton Sibu ditu, lemai kemari.
Keterubah, Wilson Lau Ngie Ding alah 14-21, 12-21 ngelaban Lee Zii Jia.
Taja pan baka nya Adam Lau Yu Ming mujur mai puin keterubah ngagai tim tuai rumah sepengudah mujur ngalahka Abdul Jalil Mohamed 21-14, 21-19.
Seiku agi pemain tim tuai rumah Alfred Lau Yu Leong mujur ngalahka Ng Yong Chai, 21-7, 24-26 sebedau menang 21-19.
Tim ‘double’ Sarawak Clement Chieng Jia Yew enggau Owen Tong Shih Wee alah 19-21, 17-21 ngelaban Lee Zii Jia enggau Muhammad Syauqi Mohd Puzi.
Nambahka nya Alfred Lau Yu Leong begulai enggau Kam Sing Siong bela alah ngelaban Boriffin Khairul Tor enggau Oii Zi Heng, 16-21, lalu enda mujur nembuka main nya ketegal Alfred bakal ti semina nembuka main naka 11-14.
Bela bisi main lemai kemari iya nya tim indu Sarawak ngelaban Perak.